மூட்டுவலி நீக்கும் யோகக்கலை

ஆரோக்கியம் நம் கையில் – 003

1. விரிப்பில் கிழக்கு நோக்கி நேராக நிற்கவும்.
2. இரு கால் பாதங்களும் சேர்த்து வைத்துக் கொள்ளவும்.
3. இரு கைகளையும் ஒரு அடி அகலத்தில் முன்னால் நீட்டவும். கை விரல்கள் வானத்தைப் பார்த்திருக்கட்டும்.
4. மெதுவாக ஒரு நாற்காலியில் அமர்வது போல் மெதுவாக உடலை கீழே கொண்டு வரவும்.
5. சாதாரண மூச்சில் 20 விநாடிகள் இருக்கவும்.
6. உங்கள் உடல் எடை முழுவதும் குதிகாலில் கொடுக்கவும்.
7. பின் மெதுவாக சாதாரண நிலைக்கு வரவும்.
8. இதுபோல் மூன்று முறைகள் செய்ய வேண்டும்.

1. இரு கால் மூட்டுக்களுக்கும் நல்ல இரத்த ஓட்டம், வெப்ப ஓட்டம், காற்றோட்டம் கிடைக்கின்றது.
2. மூட்டுகள் நன்கு பலப்படுகின்றது.
3. மூட்டை சுற்றியிருக்கின்ற சைனோவியல் என்ற மூட்டுச் சுரப்பி சரியான அளவு சுரக்கும்.
4. அலுவலகத்தில் ஒரு இடத்தில் பல மணி நேரம் அமர்ந்து வேலை செய்பவர்கள், இந்த ஆசனத்தை செய்யும் பொழுது இரத்த ஓட்டம் சிறப்பாக இயங்கும்.
5. மூட்டுவலி இருந்தால் படிப்படியாகக் குறைந்துவிடும். மூட்டுவலி இல்லை என்றால் பிற்காலகட்டத்தில் மூட்டுவலி வராமல் தடுக்கப்படுகின்றது.
6. இந்த உட்கட்டாசனத்தில் இரண்டு நிமிடங்கள் இருந்தால், மூன்று மணி நேரம் நடைபயிற்சி (Walking) மேற்கொண்டால் என்ன பலன் கிடைக்குமோ அந்த பலன் இந்த ஒரு ஆசனத்தில் கிடைக்கும்.
7. மூட்டில் நீர் தேங்கல், வலி, வாதம் நீங்கும்.

1. தோள் பட்டைகளில் ஏற்படும் இறுக்கத்தைப் போக்கும்.
2. கால் பாதவலி நீக்கி கால்களுக்கு வலிமை தரும்.
3. இதயம் வலுப்பெறும். காரணம் உதரவிதானம் மேல் நோக்கி உயர்த்தப்படுவதால்
4. பெண்களுக்கு வரும் இடுப்புவலி நீங்கும். குறிப்பாக மாதவிடாய் காலங்களில் வரும் அதிகமான இடுப்புவலி நீங்கும்.
5. இடது, வலது கால்களில் சம அளவு உடல் பாரம் செலுத்தப்படுவதால், நரம்பு மண்டலம் சீராக இயங்கும்.
6. பெண்கள் இளம் வயதிலேயே இந்த ஆசனத்தை செய்தால் திருமணத்திற்கு பின் சுகப்பிரசவம் நடைபெறும்.
7. மூட்டுவாதம், அஜீரணம் வராது.

1. தங்களது உணவில் தினமும் 5 வெண்டைக்காய்கள் பச்சையாக கழுவி நன்கு மென்று கூழாக்கி சாப்பிடவும்.
2. பூண்டு, வெங்காயம் உணவில் அதிகம் சேர்க்கவும். இதில் கந்தகச் சத்து அதிகம் உள்ளது.

1. ஒரு பிளாஸ்டிக் டப்பில் இலேசான சூடு வென்னீர் அதில் ஒரு சிட்டிகை கல் உப்பு போட்டு கரைக்கவும்.
2. அந்த டப்பில் உங்கள் இரு பாதங்களையும் வைத்து அமைதியாக 10 நிமிடங்கள் இருக்கவும்.
3. பின் கால்களை வெளியில் எடுத்து அந்த தண்ணீரை செடியில் படாமல் கொட்டிவிட்டு கால் பாதத்தை துணியால் மெதுவாகத் துடைக்கவும்.
4. இதை வாரம் மூன்று முறை செய்யவும்.

1. ஒரு நாற்காலியில் அமர்ந்து கொள்ளுங்கள்.
2. முதுகெலும்பு நேராக இருக்கட்டும்.
3. கால்களை தொங்கவிட்டு அமரவும்.
4. உங்கள் இரு உள்ளங்கைகளை, இரு கால் முட்டிமேல் வைத்துக் கொள்ளுங்கள்.
5. கண்களை மூடி இரு நாசிவழியாக மெதுவாக மூச்சை உள் இழுத்து, மிக மெதுவாக மூச்சை வெளியிடவும்.
6. அப்படி மூச்சை வெளியிடும் பொழுது உங்கள் உள்ளங்கை மூலமாக பிராணசக்தி இரண்டு மூட்டுக்குள்ளும் பரவுவதாக எண்ணுங்கள். மூட்டின் உள் பகுதி நன்கு வலுப்பெறுகின்றது. அதில் வெப்ப ஓட்டம், மூச்சோட்டம், இரத்த ஓட்டம் நன்றாக இயங்குகின்றது என்று எண்ணுங்கள்.
7. இதுபோல் 10 தடவைகள் செய்யவும்.